Ekonomiese tsunami vereis vindingrykheid

Die omvang van die finansiële krisis waarin die wêreld gedompel is, is vinnig besig om ook vir Suid-Afrikaners ’n werklikheid te word. Dit is voorwaar nie net nog ’n ekonomiese insinking nie; dit is ’n tsunami van angswekkende afmetings.

Die nadraai is dít: Gordel intrek en vasmaak gaan hopeloos ontreikend wees. Op sigself sal dit doodgewoon net nie genoeg wees om die situasie te beredder en op vaste grond te kom nie. Die voorvereistes vir ekonomiese oorlewing, om nie eens te praat van groei nie, is oneindig meer ingewikkeld en veeleisend. By Aucamp Scholtz Lubbe glo ons dat dié voorvereistes ons noop om onder meer die volgende te doen:

• om krities te dink, soos nog nooit tevore nie
• om vreesloos te ontleed, soos nog nooit tevore nie
• om vernuwende strategieë te bedink, soos nog nooit tevore nie
• om verstandig te beplan, soos nog nooit tevore nie
• om ywerig te spaar, soos nog nooit tevore nie
• om versigtig te bestee, soos nog nooit tevore nie
• om beslissend te handel, soos nog nooit tevore nie

Dít beskou ons as onmisbare elemente van enige ware en doegerigte poging tot ekonomiese oorlewing en, hopelik, hernieude groei.

Hierdie oortuiging word, ten diepste, bevestig deur ons bevordering van die kundige, ervare en toegewyde jong rekenmeester, Christa Mouton, tot maatskappydirekteur met ingang van 1 Maart vanjaar, asook ons aanstelling van ’n groep talentvolle en geesdriftige jong graduandi vroeër vanjaar.

Ons is oortuig dat hulle ons onderneming betekenisvol sal versterk.